Nuuttarnerit, periaaseq

Inoqarfiit akornanni nuuttarnerit sumiiffinni naatsorsuutit inernerinut apeqqutaalluinnarput. Siunissami allanut nuuttarnerit innuttaasut amerlassusaanni allanut nuuttartut ukiui suiaassusaallu malillugit annertussutsimut naatsorsorneqarsimasumut amerlisarlugit naatsorsorneqartarput, nuuttarnerillu ikittuinnaanerat peqqutaalluni ukiumi kisitsiviusumi aalajangersimasumi annertussutsit ukiumoortumik allannguutinit sunnerneqangaatsiartarput. Taamaattumik nuuttarnerit annertussusaat agguaqatigiissillugit ukiut tallimakkaartunik sivisussusilerlugit kisinneqartarput. Ukiulli tallimat ingerlanerini ukiut agguataarneri allanngorarsimanngippata tamanna naatsorsuutinut naleqqutinngitsumik naligiiaarsitsisinnaavoq.

 

Sumiiffinni innuttaasut amerlassusissaanni ’nuna tamakkerlugu’ kommuninut, distriktinut, inoqarfinni innuttaasut amerlassusaat malillugit immikkoortiterinernut allanulluunniit aggutaarneqarpoq. Immikkoortuni pineqartuni ataatsimut katiterinerni ’nuna tamakkerlugu’ inernerit pineqarput.

 

Naatsorsuutit ataani taaneqartunut sumiiffinnut immikkoortiterneqarput:

 

Kommunit

Distriktit (2009 sioqqullugu kommuniusimasut malillugit)

Inoqarfinni innuttaasut (inoqarfiit innuttaasuisa amerlassusaat malillugit)

 

Naatsorsueriaatsimi nuuttarnerit siornatigut pisartut malillugit nunap iluani nuunnerit immikkoortiterneqarput, takuuk takussutissaq 4-rimi assersuut.

 

Takussutissaq 4. 2015-imiit 2019-imut nuuttarnerit, inoqarfinni innuttaasut amerlassusaat malillugit

Inoqarfimmiit \ Inoqarfimmut	< 200	200-699	700-2.999	3.000-6.000	> 6.000	Katillugit
	Allamut nuuttut
< 200	-	621	1.565	1.369	543	4.098
200-699	566	-	1.590	1.283	692	4.131
700-2.999	1.323	1.477	-	3.364	2.834	8.998
3.000-6.000	1.098	1.233	3.027	-	4.042	9.400
> 6.000	478	628	2.446	3.130	-	6.682
Katillugit	3.465	3.959	8.628	9.146	8.111	33.309
	Annertussusaat
< 200	0,00	0,15	0,38	0,33	0,13	1,00
200-699	0,14	0,00	0,38	0,31	0,17	1,00
700-2.999	0,15	0,16	0,00	0,37	0,31	1,00
3.000-6.000	0,12	0,13	0,32	0,00	0,43	1,00
> 6.000	0,07	0,09	0,37	0,47	0,00	1,00
Katillugit	0,10	0,12	0,26	0,27	0,24	1,00

 

Piffissami 2015-imiit 2019-imut inoqarfimmit 200-t ataallugit inulimmiit allamut nuussimasut katillugit 4.098-iupput. Taakkunannga 543-t (imaluunniit 13 pct.-ii) Nuummut nuussimapput, inoqarfimmut kisiartaalluni 6.000-it sinnerlugit inulimmut.

 

Naatsorsuusiorneq suiaassutsit ukioqqortussuserlu malillugit suliarineqarpoq, sumiiffimmut nuuttut amerlassusaat allamullu nuuttut amerlassusaasa katinneri naligiissarniarlugit.